Op Vastenaovendzunjig begintj om 7 oor saoves weer ’t befaamdje Joekse Jatse Konkoers en de ROB. De deilnemers gaon nao Briels, Sjrake, TonvanneBekker en väör ’t iërst auch nao ’t Roggel Leef Inloup Kefee in La Rochelle. Gruupkes muzikante en miense mèt ’n speciale act moge allemaol mètdoon. Op dees 4 plaatse waere de muziek en acts door ’n deskundige jury beoordeildj. Waem geit d’r van door met de iërste pries of de Roggel Onnuezel Bokaal? Gae kèntj uch opgaeve bie Marleen van Sjrake (491460) of Harry Kuijpers (06-12358936).
